Вітаем!

Мы каманда Urban Legend.

І мы любім экскурсіі.

Але ж, часам, у іх нам не хапала зручнасці, утульнасці, павольнасці.

Так хочацца, каб прыгоды распачыналіся адразу ж, калі з'явіўся настрой, каб ніхто не спяшаўся і аглядацца можна было столькі, колькі хочацца самому.

Таму мы і прыдумалі ULegend.

Наш праект створаны для аматараў удумлівых экскурсій, а таксама для экскурсаводаў, лакальных экспертаў і краязнаўцаў.

Вандроўцам мы прапануем асабістыя, аўтарскія, гарадскія экскурсіі па Мінску або Вільні бескаштоўна. І, канечне ж, толькі правераныя маршруты.

Вы зможаце распачаць свае прыгоды ў любы час у зручным для вас тэмпе, асобна або з блізкімі.

А наш аўдыёгід цярпліва пачакае, пакуль вы агледзіце лакацыю, і працягне свой аповед, калі вы захочаце рушыць далей.

Так, вы самі кіруеце экскурсіяй!

Прафесійным экскурсаводам мы таксама карысныя. З намі вы можаце пашырыць аўдыторыю або пратэставаць маршрут, хутка атрымаць водгукі.

Мы можам рэкламаваць вашыя паслугі і брэнд, а можам працаваць ананімна.

Лакальным экспертам і краязнаўцам мы дапаможам распрацаваць і агучыць маршрут. Пра цікавосткі вашага горада ці раёна даведаецца больш вандроўцаў.

Калі пажадаеце, мы распавядзем пра вас як аўтара. Або зможам супрацоўнічаць ананімна.

Неўзабаве мы запусцім наш тэлеграм-бот і вы зможаце распачаць вандроўку, а таксама прапанаваць нам вашыя ідэі маршрутаў.