Паляпшэнне якасці распазнання
Калі вам падалося, што апошнім часам пошук на сайце стаў выдаваць лепшыя вынікі, то вам не падалося.
Мы пачалі выкарыстоўваць штучны інтэлект, каб выпраўляць тэксты старонак слоўнікаў. Вынік блізкі да ідэальнага нават для тэхнічна не самых якасных выданняў, напрыклад Слоўніка Гродзенскай вобласці.
Ужо выпраўлена каля траціны ўсіх старонак на сайце. Спачатку апрацоўваюцца тыя, якія часцей за ўсё праглядаюць.
Працэс, аднак, не хуткі. Вашая падтрымка можа яго паскорыць.
Таксама вы маглі заўважыць, што даўно не дадаваліся новыя выданні. А іх у нас ужо назапасілася даволі шмат! Гэта звязана з унутранай перапрацоўкай, якую спачатку трэба зрабіць, таму дадаванне адцягваецца. Але гэта абавязкова будзе зроблена, і праз час можна чакаць прынамсі пару дзясяткаў новых кніг.
І вялікая ўдзячнасць тым, хто ўжо падтрымаў нас! Гэта сапраўды дапамагае развіваць праект.